O LEADER continúa sendo o conxunto de medidas do Programa de Desenvolvemento Rural (PDR) de Galicia, executado baixo a metodoloxía europea LEADER (Ligazóns Entre as Actividades de Desenvolvemento da Economía Rural).

Esta metodoloxía, impulsada pola Unión Europea desde 1991, busca fomentar o desenvolvemento local participativo nas zonas rurais, de xeito que o territorio deixe de ser un mero destinatario de políticas e pase a ser protagonista do seu propio desenvolvemento.

O método LEADER baséase na participación das comunidades locais, que deciden e xestionan as súas propias estratexias de desenvolvemento.
Susténtase en sete principios fundamentais:

• Enfoque ascendente (participación cidadá): a toma de decisións parte da iniciativa das comunidades locais.

• Enfoque territorial: cada estratexia adáptase ás características, recursos e necesidades propias de cada zona.

• Partenariado local (colaboración público-privada): cooperación entre entidades públicas, privadas e sociais.

• Integración multisectorial: participación equilibrada de todos os sectores económicos e sociais do territorio.

• Traballo en rede e intercambio de experiencias: reforzo das sinerxías entre grupos de desenvolvemento rural.

• Innovación e cooperación interterritorial: fomento de proxectos conxuntos e boas prácticas entre territorios.

• Sostibilidade económica, social e ambiental: impulso dun desenvolvemento rural equilibrado e respectuoso co medio