Castellano
O proxecto, promovido por Alecar Ventanas, S.L., ten como finalidade a modernización e dixitalización da súa liña de produción, mediante a adquisición de equipamento dotado coa última tecnoloxía aplicada ao sector das construcións metálicas en aluminio e PVC.
Grazas a este investimento, a empresa mellora a súa capacidade produtiva e eficiencia, reducindo custos, minimizando erros humanos e incrementando a calidade dos seus produtos. Esta renovación tecnolóxica permite fabricar unha maior variedade de estruturas metálicas, como xanelas, portas abatibles e correderas, barandas, fachadas lixeiras, lucernarios, contras mallorquinas e portais soldados.
A incorporación da nova maquinaria supón un incremento superior ao 25 % na capacidade produtiva, reducindo os tempos de fabricación e mellorando a resposta fronte á demanda do mercado. Ademais, os novos procesos están baseados en equipos enerxeticamente eficientes e en sistemas que aproveitan enerxías limpas, reducindo o consumo e o impacto ambiental.
Este proxecto representa un salto cualitativo e cuantitativo para Alecar Ventanas, consolidando a súa posición como empresa referente na zona e impulsando un modelo produtivo máis sostible, competitivo e innovador.
“LEADER significou para nós aumentar a eficiencia e a produtividade á vez que reducimos costes e erros humanos.”