Restaurante O Secadeiro

Proxecto LEADER

Restaurante O Secadeiro

Descrición do proxecto

O proxecto, promovido por A Casa da Capela, S.L., consistiu na rehabilitación dunha casa familiar tradicional na aldea de Banzas (Outes) para a posta en marcha do restaurante “O Secadeiro”, o primeiro e único establecemento gastronómico da zona.

A edificación, de alto valor arquitectónico, foi restaurada mantendo a súa esencia e empregando materiais ecolóxicos e sostibles. O espazo distribúese en dous alpendres de pedra:

a parte central, onde se atopa o comedor,
e a antiga corte das vacas, que agora alberga a cociña.

O proxecto busca ter un impacto positivo na comunidade local a través de dous eixes fundamentais:

Desenvolvemento económico e turístico — fomentando a colaboración con establecementos de turismo rural, empresas de turismo activo e produtores locais, traballando con produtos quilómetro cero (km0) e recuperando ingredientes autóctonos como o lentellón de Banzas.
Sostibilidade e respecto polo patrimonio natural — cun modelo constructivo responsable e un funcionamento baseado na reutilización, reciclaxe, redución de residuos e uso de enerxías renovables.

“O Secadeiro” combina gastronomía, cultura e sustentabilidade, converténdose nun referente rural que dinamiza a economía local, impulsa o turismo sostible e contribúe á preservación do patrimonio e á economía circular.

Impacto LEADER

“Contar co apoio das axudas LEADER e DELOA foi moi importante para o restaurante O Secadeiro, permitíndonos consolidar a nosa proposta gastronómica sostible e convertirnos nun referente no medio rural galego.

Esta axuda permitiunos rehabilitar o espazo e establecer unha infraestrutura que integra horta e invernadoiro propios, o que nos facilita traballar con produtos km0. Esta aposta pola sustentabilidade foi recoñecida cunha Estrela Verde Michelin en 2024, destacando o noso compromiso coa cociña sostible e coa recuperación de produtos autóctonos como o lentellón de Banzas.

Grazas a LEADER, O Secadeiro estableceuse como un negocio rendible que dinamiza a economía local e fortalece a alianza entre a hostalaría e o sector primario. O noso éxito demostra que o medio rural ofrece oportunidades emprendedoras viables e sostibles, respaldadas por políticas públicas como os fondos LEADER e DELOA.”

Galego

Proxecto LEADER