O proxecto, promovido pola Asociación Integrados, nace coa finalidade de mellorar a accesibilidade das persoas con discapacidade intelectual, autismo e mobilidade reducida residentes nas zonas rurais das comarcas do Barbanza e Noia, garantindo o seu acceso aos servizos de rehabilitación, formación e integración que ofrece a entidade.

A dispersión poboacional, as longas distancias e a ausencia dun transporte público adaptado dificultaban que moitas destas persoas puidesen acudir aos centros de atención de maneira regular. Para dar resposta a esta necesidade, o proxecto incluíu a adquisición dun vehículo adaptado, que permite realizar desprazamentos seguros, cómodos e sostibles, facilitando a asistencia a terapias, talleres e programas de inclusión laboral.