INTERRITMOS. Raíces Vivas
Descripción do proxecto
INTERRITMOS. Raíces Vivas é un proxecto de cooperación que nace coa vontade de unir tradición e futuro, ofrecendo ás novas xeracións de artistas da música de raíz galega as ferramentas necesarias para profesionalizar as súas carreiras musicais.
A súa esencia reside na defensa e posta en valor do patrimonio cultural inmaterial galego, entendido como un piar fundamental da identidade do noso territorio.
O proxecto tamén fomenta unha reflexión intercultural a través do diálogo coa música flamenca, outra tradición de raíz que, dende a súa singularidade, comparte a mesma conexión co territorio e co pobo que a viu nacer. Esta comparativa entre culturas permite enriquecer a mirada sobre o patrimonio galego e promove unha comprensión máis ampla do valor universal da música popular.
En definitiva, INTERRITMOS busca empoderar aos artistas, fortalecer a identidade cultural e promover os territorios rurais galegos, combinando formación, creación colectiva e intercambio artístico nun itinerario innovador que une tradición, modernidade e cooperación entre territorios.
Accións principais
Residencias creativas
Espazos de encontro e traballo colaborativo nos que artistas emerxentes de música de raíz galega e flamenca desenvolverán proxectos musicais, recibirán formación e explorarán novos camiños creativos a través do intercambio de experiencias.
📍 Maio 2025: Casa de Paco de Lucía, Toledo
📍 Outubro 2025: Residencia artística de Ponteareas
📍 Marzo 2026: Espazo Nature, Costa da Morte
Concertos en vivo
Serie de presentacións abertas ao público nas que se dará visibilidade ao traballo dos artistas participantes, poñendo en valor o patrimonio musical galego e achegando a música de raíz a novos públicos e territorios.
📅 19 de setembro de 2025 – Quiroga
📅 27 de setembro de 2025 – San Pedro de Rocas (Esgos)
📅 3 de outubro de 2025 – Manzaneda
📅 8 de outubro de 2025 – A Estrada
🕓 Resto de datas pendentes de confirmar
O proxecto culminará coa produción dunha peza audiovisual curta, que reflexionará sobre as conexións entre a música de raíz galega e o flamenco, destacando similitudes, diferenzas e o papel de ambas como motores de identidade cultural e social.
GDRs participantes e entidades colaboradoras
Asociación de Desarrollo Local DELOA-GDR18
Asociación para o Desenvolvemento Rural da Comarca de Lugo-GDR04
Asociación Miño Ulla-GDR05
Asociación de Desenvolvemento Rural Ribeira Sacra-Courel-GDR06
Asociación de Desenvolvemento Rural Sil-Bibei-Navea-GDR08
Asociación de Desenvolvemento Rural Comarca de Ourense-GDR11
Asociación de Desenvolvemento Rural Condado-Paradanta-GDR13
ADR Terras de Pontevedra Norte-GDR16
GDR Salnés-Ulla-Umia-GDR17
Asdecomor-GDR21 (Comarca de Ordes)
GDR Costa da Morte-GDR22
Coa colaboración de:
Fundación Paideia Galiza
Fundación Paco de Lucía
