XÍLGARO. Cantos compartidos

Descrición do proxecto

Xílgaro. Cantos compartidos é un proxecto de cooperación que nace da necesidade de reverter a fenda xeracional existente no medio rural galego e de frear o progresivo risco de desaparición do patrimonio cultural inmaterial, especialmente o relacionado coa música tradicional, a oralidade e as prácticas comunitarias.

O proxecto preséntase como unha proposta integral e innovadora que conecta diferentes retos territoriais a través dunha estratexia común. A música tradicional galega actúa como fío condutor e linguaxe compartida entre xeracións, mentres que os/as artistas emerxentes asumen o papel de “activadores musicais”, mediando entre a sabedoría cultural e popular das persoas maiores e a curiosidade e capacidade de aprendizaxe dos nenos e nenas de educación primaria.

O proxecto contribúe a transformar o patrimonio inmaterial nun activo vivo e dinámico, reforzando a identidade local, promovendo o orgullo de pertenza e xerando novas oportunidades de emprego artístico e cultural no medio rural. Ao mesmo tempo, fomenta valores de sustentabilidade, cooperación e cohesión social, asegurando que a tradición non só se conserve, senón que evolucione e se proxecte cara ao futuro.

Xílgaro simboliza, en definitiva, unha cultura viva, libre e compartida, que se move, se escoita e se renova sen perder as súas raíces.

Accións principais

  • Obradoiros e accións de mediación cultural coas escolas.
  • Campamentos musicais de verán.
  • Gravación, produción musical e audiovisual do traballo realizado para o seu uso como material educativo e divulgativo.
  • Edición dun libro que recolla as cancións interpretadas, imaxes representativas e un enlace aos temas gravados.

Actividades de dinamización e visibilidade a través de actuacións no Festival da Luz, o sábado 29 de agosto:

  • Ebora co CEIP Rosalía de Castro (Padrón)
  • Unto Vello co CEIP Arzúa
  • Leirabuxo co CEIP Camiño de Santiago (O Pino)
  • Peitoescuro co CEIP As Nogais
  • Courelouzara co CEIP Samos

O evento final de peche e presentación constituirá a culminación das accións do proxecto. Consistirá nun evento público interterritorial, no que se presentarán os produtos musicais, materiais dixitais e publicacións elaboradas, e participarán os grupos escolares e interxeracionais implicados, así como a comunidade local. Ademais, levarase a cabo unha celebración comunitaria, fomentando a participación cidadá e reforzando o sentimento de pertenza e cohesión social nos territorios implicados.

GDRs participantes

Asociación de Desarrollo Local DELOA
GDR Ribeira Sacra-Courel
GDR Ulla-Tambre-Mandeo

Entidade colaboradora:

Fundación Paideia Galiza

Ligazón de interese

Inscrición

Inscripción

Inscripción

Inscripción

Inscripción

RESULTADOS PROVISIONAIS PROBA ESCRITA

Esta nova non está dispoñible agora mesmo

DELOA

Este sitio solo utiliza cookies técnicas necesarias para su funcionamiento. No se recogen datos personales sin consentimiento